188ÌåÓý

Mae’n bosibl y bydd yn rhaid i chi dalu’r Tâl Treth Budd-dal Plant Incwm Uchel os oes gennych chi neu’ch partner incwm unigol sydd dros y trothwy a bod y naill neu’r llall o’r canlynol yn wir:

• rydych chi neu’ch partner yn cael Budd-dal Plant

• mae rhywun arall yn cael Budd-dal Plant ar gyfer plentyn sy’n byw gyda chi, ac mae’r person hwnnw’n cyfrannu swm sydd o leiaf yn gyfartal â’r swm rydych chi’n ei dalu tuag at gostau cynnal y plentyn

Does dim ots os nad eich plentyn eich hun yw’r plentyn sy’n byw gyda chi.

Y trothwy

Mae incwm unigol dros y trothwy os yw’r canlynol yn berthnasol:

• mae’r incwm dros £60,000 ar gyfer blwyddyn dreth 2024 i 2025

• mae’r incwm dros £50,000 ar gyfer blynyddoedd treth hyd at a chan gynnwys 2023 i 2024

Yr hyn sy’n cyfrif fel incwm

I weld a yw’ch incwm dros y trothwy, bydd yn rhaid i chi gyfrifo’ch ‘incwm net wedi’i addasu�.

Eich incwm net wedi’i addasu yw cyfanswm eich incwm trethadwy cyn unrhyw lwfansau, ac nid yw’n cynnwys pethau megis Rhodd Cymorth. Mae cyfanswm eich incwm trethadwy yn cynnwys llog o gynilion a difidendau.

Defnyddiwch y gyfrifiannell treth Budd-dal Plant (yn agor tudalen Saesneg) i gael amcangyfrif o’ch incwm net wedi’i addasu.

Pwy sy’n talu’r tâl treth

Os yw’r incwm net wedi’i addasu ar eich cyfer chi a’ch partner hefyd dros y trothwy, yna’r person sydd â’r incwm uwch sy’n gyfrifol am dalu’r tâl treth.

Mae ‘partnerâ€� yn golygu rhywun nad ydych wedi gwahanu oddi wrtho’n barhaol â€� rhywun yr ydych yn briod ag ef, mewn partneriaeth sifil ag ef, ²Ô±ð³Ü‵µ byw gydag ef fel pe baech yn briod neu mewn partneriaeth sifil.

Os yw’ch incwm dros y trothwy

Gallwch ddewis naill ai:

• cael taliadau Budd-dal Plant a thalu unrhyw dâl treth ar ddiwedd pob blwyddyn dreth
• optio allan o gael taliadau a thrwy hynny beidio â thalu’r tâl treth

Os byddwch yn dewis optio allan o gael taliadau Budd-dal Plant

Dylech lenwi’r ffurflen hawlio Budd-dal Plant o hyd. Mae angen i chi ddatgan ar y ffurflen nad ydych yn dymuno cael taliadau.

Mae angen i chi lenwi’r ffurflen hawlio os ydych yn dymuno:

• cael credydau Yswiriant Gwladol sy’n cyfrif tuag at eich Pensiwn y Wladwriaeth
• cael rhif Yswiriant Gwladol ar gyfer eich plentyn heb iddo orfod gwneud cais am un â€� fel arfer, bydd yn cael y rhif cyn troi’n 16 oed

Os ydych eisoes yn cael taliadau Budd-dal Plant

Gallwch ddewis i wneud y naill neu’r llall o’r canlynol:

• optio allan o gael taliadau Budd-dal Plant
• parhau i gael taliadau Budd-dal Plant a thalu unrhyw dâl treth ar ddiwedd pob blwyddyn dreth