188ÌåÓý

Os cawsoch eich geni cyn 23 Medi 1958 gallech gael naill ai £200 neu £300 i’ch helpu i dalu eich biliau gwresogi ar gyfer gaeaf 2024 i 2025. Gelwir hyn yn ‘Daliad Tanwydd Gaeaf�.

Efallai y byddwch yn gymwys os ydych chi neu’ch partner yn cael budd-daliadau penodol.

Os ydych yn gymwys, dylech fod wedi cael llythyr ym mis Hydref neu fis Tachwedd yn dweud faint fyddwch yn ei gael.

Os na wnaethoch gael llythyr ond rydych yn meddwl eich bod yn gymwys, gwiriwch a oes angen i chi wneud cais

Cafodd y rhan fwyaf o bobl gymwys eu talu ym mis Tachwedd neu fis Rhagfyr. Efallai y cewch eich talu’n hwyrach os ydych yn aros am benderfyniad ar fudd-dal arall, er enghraifft Credyd Pensiwn. Darganfyddwch beth i’w wneud os nad ydych wedi cael eich talu.

Os ydych yn byw yn Yr Alban

Ni allwch gael Taliad Tanwydd Gaeaf. Efallai y byddwch . Bydd hyn yn cael ei dalu gan yr Adran Gwaith a Phensiynau (DWP).

Help arall gyda biliau gwresogi

Gallech hefyd gael:

• Taliad Tywydd Oer - os ydych yn cael rhai budd-daliadau a bod y tymheredd yn gostwng i radd sero Celsius neu is am 7 diwrnod yn olynol
• y Disgownt Cartref Cynnes - mae hwn yn ostyngiad o £150 ar eich biliau os ydych yn cael Credyd Pensiwn neu os ydych yn byw mewn cartref incwm isel
• cymorth gan y Gronfa Cymorth i Gartrefi, os ydych yn gymwys o dan reolau eich cyngor lleol - edrychwch ar wefan eich cyngor lleol

Gallwch gael Taliad Tanwydd Gaeaf ar gyfer Gaeaf 2024 i 2025 os cawsoch eich geni cyn 23 Medi 1958.

Rhaid i chi hefyd byw yng Nghymru, Lloegr neu Ogledd Iwerddon a chael un o’r canlynol:

• Credyd Pensiwn
• Credyd Cynhwysol
• Lwfans Cyflogaeth a Chymorth yn seiliedig ar incwm (ESA)
• Lwfans Ceisio Gwaith yn seiliedig ar incwm (JSA)
• Cymhorthdal Incwm
• Credyd Treth Plant
• Credyd Treth Gwaith

Bydd angen i chi hefyd wedi bod yn cael budd-dal yn ystod yr wythnos gymhwyso 16 i 22 Medi 2024.

Mewn rhai amgylchiadau, gallech fod yn gymwys os ydych yn byw dramor.

Pan na fyddwch yn gymwys

Ni fyddwch yn gymwys os:

• rydych yn byw yn yr Alban
• rydych wedi bod yn yr ysbyty yn cael triniaeth am ddim am fwy na blwyddyn
• roeddech yn y carchar am yr wythnos gyfan rhwng 16 a 22 Medi 2024
• roeddech yn byw mewn cartref gofal am yr holl amser rhwng 24 Mehefin a 22 Medi 2024

Os ydych yn byw mewn cartref gofal

Gallwch gael Taliad Tanwydd Gaeaf os:

• rydych yn cael budd-daliadau penodol ac yn gymwys
• rydych wedi byw mewn cartref gofal am lai na 13 wythnos gan gynnwys yr wythnos 16 i 22 Medi 2024

Dylech fod wedi cael llythyr ym mis Hydref neu fis Tachwedd yn rhoi gwybod i chi faint o Daliad Tanwydd Gaeaf byddwch yn ei gael, os ydych yn gymwys.

Os nad ydych yn cael llythyr ond rydych yn meddwl eich bod yn gymwys, gwiriwch a oes angen i chi wneud cais.

Mae faint rydych yn ei gael yn seiliedig ar pryd y cawsoch eich geni a’ch amgylchiadau rhwng 16 i 22 Medi 2024. Mae hwn yn cael ei alw yn ‘wythnos gymhwyso�.

Mae unrhyw arian a gewch yn ddi-dreth ac ni fydd yn effeithio ar eich budd-daliadau eraill.

Os ydych yn byw ar eich pen eich hun

Byddwch yn cael naill ai:

• £200 os cawsoch eich geni rhwng 23 Medi 1944 a 22 Medi 1958
• £300 os cawsoch eich geni cyn 23 Medi 1944

Os ydych yn byw gyda rhywun

Os ydych chi a’ch partner yn hawlio unrhyw un o’r fudd-daliadau ar y cyd, bydd un ohonoch yn cael taliad o naill ai:

• £200 os cafodd un neu’r ddau ohonoch eich geni rhwng 23 Medi 1944 a 22 Medi 1958
• £300 os cafodd un neu’r ddau ohonoch eich geni cyn 23 Medi 1944

Os ydych yn byw mewn cartref gofal

Os ydych yn gymwys byddwch yn cael naill ai:

• £200 os cawsoch eich geni rhwng 23 Medi 1944 a 22 Medi 1958
• £300 os cawsoch eich geni cyn 23 Medi 1944

Mae’r rhan fwyaf o bobl yn cael y Taliad Tanwydd Gaeaf yn awtomatig os ydynt yn gymwys.

Nid oes angen i chi wneud cais os ydych yn cael unrhyw un o’r canlynol:

• Credyd Pensiwn
• Credyd Cynhwysol
• Cymorthdal Incwm
• Lwfans Cyflogaeth a Chymorth yn seiliedig ar incwm (ESA)
• Lwfans Ceisio Gwaith yn seiliedig ar incwm (JSA)
• Credyd Treth Plant
• Credyd Treth Gwaith

Os ydych yn aros am benderfyniad Credyd Pensiwn

Byddwch yn cael Taliad Tanwydd Gaeaf yn awtomatig pan gymeradwyir eich cais am Gredyd Pensiwn.

Os ydych wedi gwneud cais am Gredyd Pensiwn ond heb gael penderfyniad eto, nid oes angen i chi gysylltu â Chanolfan Talu Tanwydd Gaeaf am eich cymhwysedd.

Cael help a chyngor

Ffoniwch y Ganolfan Taliadau Tanwydd Gaeaf os nad ydych yn siwr os ydych yn gymwys. Ni allwch wneud cais dros y ffôn.

Mae’r rhan fwyaf o daliadau’n cael eu gwneud yn awtomatig ym mis Tachwedd neu fis Rhagfyr.

Dylech fod wedi cael llythyr yn dweud wrthych:

• faint fyddwch yn ei gael
• pa gyfrif banc y bydd yn cael ei dalu iddo - fel arfer mae hwn yr un cyfrif â’ch Credyd Pensiwn neu fudd-daliadau eraill

Os na wnaethoch dderbyn llythyr

Os na wnaethoch gael lythyr ac nad yw’r arian wedi’i dalu i’ch cyfrif, cysylltwch â’r Ganolfan Taliadau Tanwydd Gaeaf.

Os ydych yn aros am benderfyniad Credyd Pensiwn

Byddwch yn cael Taliad Tanwydd Gaeaf yn awtomatig pan gymeradwyir eich cais am Gredyd Pensiwn.

Os ydych wedi gwneud cais am Gredyd Pensiwn ond heb dderbyn penderfyniad eto, nid oes angen i chi gysylltu â Chanolfan Talu Tanwydd Gaeaf.

Os nad ydych yn byw yn y DU, rydych ond yn gymwys i gael y Taliad Tanwydd Gaeaf os:

• cawsoch eich geni cyn 23 Medi 1958
• rydych yn cael Pensiwn y Wladwriaeth y DU
• mae gennych gysylltiad dilys a digonol â’r DU - gall hyn gynnwys cael byw neu weithio yn y DU, a chael teulu yn y DU
• mae’r DU yn gyfrifol am dalu eich budd-daliadau
• gwnaethoch symud i wlad gymwys cyn 31 Rhagfyr 2020 ac rydych wedi’ch diogelu gan y Cytundeb Ymadael

Os ydych yn ddinesydd Prydeinig neu Wyddelig, nid oes angen eich bod wedi symud erbyn 31 Rhagfyr 2020, ond bydd angen i chi gwrdd â’r holl reolau cymhwysedd eraill.

Rhaid i chi hefyd fod yn cael budd-dal prawf modd cymhwysol o’r wlad rydych yn byw ynddi sy’n cyfateb i:

• Gredyd Pensiwn
• Credyd Cynhwysol
• Lwfans Cyflogaeth a Chymorth yn seiliedig ar incwm (ESA)
• Lwfans Ceisio Gwaith yn seiliedig ar incwm (JSA)
• Cymhorthdal ​​Incwm
• Credyd Treth Gwaith
• Credyd Treth Plant

Rhaid eich bod wedi bod yn cael y budd-dal hwn yn ystod yr wythnos cymhwyso o 16 i 22 Medi 2024.

Gwledydd cymwys

• Awstria
• Gwlad Belg
• Bwlgaria
• Croatia
• Y Weriniaeth Tsiec
• Denmarc
• Estonia
• Ffindir
• Yr Almaen
• Hwngari
• Gwlad yr Ia
• Iwerddon
• Yr Eidal
• Latfia
• Liechtenstein
• Lithwania
• Luxembourg
• Yr Iseldiroedd
• Norwy
• Gwlad Pwyl
• Romania
• Slofacia
• Slofenia
• Sweden
• Y Swistir

Sut i wneud cais

Y dyddiad cau i chi wneud cais ar gyfer gaeaf 2024 i 2025 oedd 31 Mawrth 2025.

Gallwch wneud cais am Daliad Tanwydd Gaeaf trwy’r post neu dros y ffôn.

Pan rydych yn gwneud cais, bydd angen i chi ddarparu tystiolaeth o’r budd-daliadau prawf modd rydych yn ei dderbyn (o’r wlad rydych yn byw ynddo).

Gwneud cais drwy’r post

Bydd angen i chi hawlio Taliad Tanwydd Gaeaf hyd yn oed os ydych wedi ei gael o’r blaen. Ni wneir y taliad yn awtomatig.

Lawrlwythwch a llenwch ffurflen IPCF091, os ydych yn ddinesydd y DU neu’n ddinesydd deuol y DU sy’n byw mewn gwlad gymwys heblaw Iwerddon.

Os nad ydych wedi hawlio Taliad Tanwydd Gaeaf o’r blaen, bydd angen i chi hefyd lenwi ffurflen hawlio Taliad Tanwydd Gaeaf.

Os cawsoch Daliad Tanwydd Gaeaf o’r blaen, bydd angen i chi ddarparu tystiolaeth o’r budd-dal prawf modd yr ydych yn ei gael (o’r wlad rydych yn byw ynddi) ar y ffurflen gwybodaeth ychwanegol Taliad Tanwydd Gaeaf.

Lawrlwythwch y ffurflenni

Anfonwch eich ffurflenni wedi’u cwblhau i’r cyfeiriad canlynol.

Gwneud cais dros y ffôn

Ffoniwch y Ganolfan Taliadau Tanwydd Gaeaf i wneud cais dros y ffôn.

Beth i’w baratoi cyn i chi ffonio

Cyn i chi ffonio, byddwch angen gwybod:

• eich rhif Yswiriant Gwladol
• manylion eich banc neu gymdeithas adeiladu
• eich rhifau BIC ac IBAN
• y dyddiad gwnaethoch briodi neu d dod yn rhan o bartneriaeth sifil (os yw’n briodol)

Byddwch hefyd angen dweud os, yn ystod wythnos gymhwyso 16 a 22 Medi 2024, roeddech:

• yn yr ysbyty yn cael triniaeth am ddim i gleifion mewnol
• mewn cartref gofal preswyl
• yn y carchar

Os ydych yn anghytuno â phenderfyniad

Gallwch herio penderfyniad am eich cais. Gelwir hyn yn gofyn am ailystyriaeth orfodol.

Cysylltwch â’r Ganolfan Taliad Tanwydd Gaeaf os ydych yn gymwys am Daliad Tanwydd Gaeaf ac rydych:

• angen rhoi gwybod am newid mewn amgylchiadau
• angen newid eich cyfeiriad neu fanylion personol
• eisiau canslo taliadau yn y dyfodol
• eisiau dychwelyd taliad

Rhowch wybod am unrhyw newid mewn amgylchiadau cyn gynted ag y bo modd - er enghraifft, os byddwch yn stopio cael budd-dal, symud tÅ· neu fynd i mewn i gartref gofal. Gall y rhain effeithio faint o Daliad Tanwydd Gaeaf rydych yn ei gael.

Os byddwch yn canslo eich taliadau, gallwch newid hyn ar unrhyw adeg.

Cysylltu â’r Ganolfan Taliad Tanwydd Gaeaf

Pan fyddwch yn cysylltu â’r ganolfan daliadau, byddwch angen dweud wrthynt eich manylion personol fel:

• eich enw
• eich cyfeiriad
• eich dyddiad geni
• eich rhif Yswiriant Gwladol

Gallwch unai ffonio’r llinell gymorth neu anfon llythyr trwy’r post..

Os ydych yn y DU

Os ydych y tu allan i’r DU

Os ydych wedi cael eich gordalu

Efallai y bydd rhaid i chi ad-dalu’r arian os:

• na wnaethoch ddweud wrthym am newid ar unwaith
• rydych wedi rhoi gwybodaeth anghywir
• cawsoch eich gordalu mewn camgymeriad

Darganfyddwch sut i ad-dalu’r arian sy’n ddyledus gennych o ordaliad budd-dal.