188ÌåÓý

Rhaid ichi ddweud wrth DVLA os oes gennych drwydded yrru ac mae’r canlynol yn berthnasol:

• rydych yn datblygu cyflwr meddygol neu anabledd ‘hysbysadwyâ€�
• mae cyflwr neu anabledd wedi gwaethygu ers ichi gael eich trwydded

Mae cyflyrau hysbysadwy yn unrhyw beth a allai effeithio ar eich gallu i yrru’n ddiogel. Gallant gynnwys:

• diabetes neu gymryd inswlin
• syncope (llewygu)
• cyflyrau ar y galon (gan gynnwys ffibriliad atrïaidd a rheolyddion calon)
• apnoea cwsg
• epilepsi
• strociau
• glawcoma

Sut i ddweud wrth DVLA

Gwiriwch os oes angen ichi ddweud wrth DVLA am eich cyflwr i ddod o hyd i’r ffurflenni neu’r holiaduron sydd eu hangen arnoch. Mae’r cyfeiriad sydd ei angen arnoch ar y ffurflenni.

Mae gwahanol daflenni ar gyfer gwahanol gyflyrau ac anableddau.

Cysylltwch â DVLA os nad ydych yn siŵr beth i’w wneud.

Ildio eich trwydded

Rhaid ichi ildio eich trwydded i DVLA os yw unrhyw un o’r canlynol yn wir:

• mae eich meddyg yn dweud wrthych am roi’r gorau i yrru am 3 mis neu fwy
• mae eich cyflwr meddygol yn effeithio ar eich gallu i yrru’n ddiogel ac yn para am 3 mis neu fwy
• nad ydych yn bodloni’r safonau gofynnol ar gyfer gyrru oherwydd eich cyflwr meddygol

Gallwch wneud cais i gael eich trwydded yn ôl pan fyddwch yn bodloni’r safonau meddygol ar gyfer gyrru eto.

Trwydded gyntaf neu adnewyddu os ydych yn 70 oed neu’n hŷn

Rhaid ichi hefyd ddweud wrth DVLA am gyflyrau hysbysadwy os ydych:

• yn gwneud cais am eich trwydded gyntaf
• yn adnewyddu eich trwydded (os ydych yn 70 oed neu’n hÅ·n)

Gofynnir ichi am y wybodaeth hon yn eich ffurflen gais. Nid oes angen ichi gysylltu â DVLA ar wahân.

Byddwch yn cael penderfyniad drwy lythyr. Efallai y bydd angen rhagor o wybodaeth ar eich cais gan weithiwr gofal iechyd proffesiynol, yn dibynnu ar eich cyflwr.

Efallai y bydd DVLA yn:

• cysylltu â’ch meddyg neu’ch ymgynghorydd
• trefnu ichi gael archwiliad
• gofyn ichi sefyll asesiad gyrru, prawf golwg neu brawf gyrru

Efallai y bydd eich cais yn cymryd mwy o amser nag arfer os oes angen ei gyfeirio at feddyg (oni bai eich bod yn gwneud cais am drwydded fws neu lori).

Fel arfer gallwch barhau i yrru tra bod DVLA yn ystyried eich cais.

Cysylltwch â DVLA os oes angen cyngor arnoch neu i wirio cynnydd eich achos.

Bydd DVLA yn asesu eich cyflwr meddygol neu anabledd ac yn penderfynu os:

• oes angen ichi gael trwydded yrru newydd
• ydych yn gallu cael trwydded fyrrach - am 1, 2 , 3 neu 5 mlynedd
• oes angen ichi addasu eich car drwy osod dulliau rheoli arbennig
• oes rhaid ichi roi’r gorau i yrru ac ildio eich trwydded yrru

Mae angen ichi addasu eich cerbyd

Os dywedwyd wrthych fod yn rhaid ichi addasu eich car, byddwch yn cael asesiad annibynnol o’ch anghenion addasu drwy .

Cael gwybod mwy am addasu eich cerbyd a ble i gael rheolyddion arbennig wedi’u gosod drwy’r .

Rhaid ichi roi’r gorau i yrru

Bydd DVLA yn anfon llythyr atoch yn dweud bod yn rhaid ichi roi’r gorau i yrru. Byddwch yn cael rheswm meddygol pam, a byddwch yn cael gwybod os a phryd y gallwch ailymgeisio am eich trwydded.

Os dywedir wrthych am roi’r gorau i yrru, gallwch:

• anfon rhagor o dystiolaeth feddygol i DVLA
• ailymgeisio am eich trwydded yrru (os yw eich llythyr yn dweud y gallwch ailymgeisio)
• apelio yn erbyn y penderfyniad

Anfon rhagor o dystiolaeth feddygol

Rhaid ichi roi wybodaeth berthnasol na chafodd ei chynnwys yn yr asesiad gwreiddiol.

Rhaid ichi hefyd gynnwys:

• prawf eich bod yn bodloni’r safonau gofynnol ar gyfer gyrru (eglurir y rhain yn y llythyr penderfyniad a anfonwyd atoch gan DVLA)
• y cyfeirnod o’ch llythyr penderfyniad

Os nad ydych yn siŵr pa wybodaeth feddygol i’w hanfon i DVLA, gwiriwch gyda meddyg neu weithiwr gofal iechyd proffesiynol.

Ailymgeisio am eich trwydded yrru

Bydd eich llythyr yn dweud wrthych os oes angen ichi aros am gyfnod cyn cael trwydded newydd. Yna gallwch ailymgeisio 8 wythnos cyn diwedd y cyfnod hwn.

Ailymgeisio am eich trwydded yrru yn dilyn cyflwr meddygol.

Apelio yn erbyn y penderfyniad

Yng Nghymru a Lloegr, gallwch apelio yn erbyn y penderfyniad drwy gysylltu â’ch llys ynadon lleol o fewn 6 mis. Rhaid ichi ddweud wrth DVLA yn ysgrifenedig os ydych yn dewis apelio.

Yn yr Alban, apeliwch yn erbyn y penderfyniad drwy o fewn 21 diwrnod. Hefyd, rhaid ichi ddweud wrth DVLA o fewn 21 diwrnod os ydych yn apelio.

Efallai y byddwch am gael cyngor cyfreithiol cyn ichi apelio - efallai y byddwch yn gallu cael cymorth cyfreithiol i’w dalu amdano.

Cysylltu â DVLA yng Nghymru a Lloegr

Cysylltu â DVLA yn yr Alban

Gwneud cwyn

Gallwch wneud cwyn os ydych yn anhapus gyda’r gwasanaeth a gewch gan DVLA.

Mae sut y byddwch yn ailymgeisio am eich trwydded neu’n ei hadnewyddu yn dibynnu ar os oedd rhaid ichi ildio eich trwydded, neu os oes gennych drwydded tymor byr.

Mae gennych drwydded tymor byr

Bydd DVLA yn anfon llythyr adnewyddu atoch 90 diwrnod cyn y bydd eich trwydded 1, 2, 3 neu 5 mlynedd yn dod i ben.

Adnewyddwch eich trwydded ar-lein, neu anfon y nodyn atgoffa adnewyddu nôl drwy’r post.

Rydych wedi ildio eich trwydded a rhoi’r gorau i yrru

Mae’r llythyr y mae DVLA yn ei anfon atoch pan fydd eich trwydded yn cael ei chymryd i ffwrdd yn dweud wrthych os oes rhaid ichi aros cyn y gallwch ailymgeisio.

Rhaid ichi wirio gyda’ch meddyg os ydych yn ffit i yrru cyn ichi ailymgeisio am eich trwydded, os cafodd ei chymryd i ffwrdd oherwydd cyflwr meddygol.