188ÌåÓý

Gallwch wrthwynebu cofrestru atwrneiaeth arhosol (LPA).

Rhaid i chi ddweud wrth Swyddfa’r Gwarcheidwad Cyhoeddus (OPG).

Efallai y bydd yn rhaid i chi hefyd ddweud wrth y Llys Gwarchod.

Mae sut rydych yn gwrthwynebu yn dibynnu ar bwy ydych chi a pham eich bod yn gwrthwynebu.

Gwrthwynebu os mai chi yw’r rhoddwr

Llenwch y ffurflen wrthwynebu (LPA006) a’i hanfon at OPG. Mae’r cyfeiriad ar y ffurflen.

Gwrthwynebu os ydych yn atwrnai neu’n ‘unigolyn i’w hysbysu�

Byddwch yn cael llythyr gan y rhoddwr neu un o’u hatwrneiod yn dweud wrthych eu bod eisiau cofrestru’r LPA. Gallwch wneud ‘gwrthwynebiad ffeithiol� neu wrthwynebiad ar ‘seiliau rhagnodedig�.

Gwrthwynebiadau ffeithiol

Gallwch wrthwynebu os:

• yw’r rhoddwr neu’r atwrnai wedi marw
• roedd y rhoddwr a’r atwrnai yn briod neu mewn partneriaeth sifil ond maent wedi ysgaru neu wedi dod â’r bartneriaeth sifil i ben
• nid oes gan atwrnai y gallu meddyliol i fod yn atwrnai
• mae’r atwrnai wedi dewis rhoi’r gorau i weithredu (a elwir weithiau yn ‘ymwrthod â’u penodiad â€�)
• mae’r rhoddwr neu’r atwrnai yn fethdalwr, yn fethdalwr dros dro neu’n destun gorchymyn rhyddhad dyled (atwrneiod eiddo a materion ariannol yn unig)

Llenwch y ffurflen wrthwynebu (LPA007) a’i hanfon at OPG. Mae’r cyfeiriad ar y ffurflen.

Gwrthwynebiadau rhagnodedig

Gallwch wrthwynebu’r cofrestriad os ydych yn meddwl:

• nad yw’r LPA yn gywir yn gyfreithiol
• nad ydych yn credu bod gan y rhoddwr alluedd meddyliol i wneud LPA
• bod y rhoddwr wedi diddymu eu LPA pan oeddent wedi adennill eu galluedd
• bod twyll wedi digwydd, e.e. rhywun wedi ffugio llofnod y rhoddwr
• roedd pwysau ar y rhoddwr i wneud LPA
• bod atwrnai yn gweithredu yn erbyn buddiannau pennaf y rhoddwr

Llenwch y canlynol:

• ffurflen hysbysu (LPA008) a’i hanfon at OPG (mae’r cyfeiriad ar y ffurflen)
• ffurflen wrthwynebu (COP7), gwnewch gopi ohoni ac anfonwch y gwreiddiol a’r copi i’r Llys Gwarchod (mae’r cyfeiriad ar y ffurflen)

Nid yw’n costio dim i wrthwynebu os ydych yn atwrnai neu’n unigolyn i’w hysbysu.

Gwrthwynebu os nad ydych yn atwrnai neu’n ‘unigolyn i’w hysbysu�

Llenwch y ffurflen wrthwynebu (COP1), gwnewch gopi ohoni ac anfonwch y gwreiddiol a’r copi i’r Llys Gwarchod.

Anfonwch siec o £421 yn daladwy i ‘Wasanaeth Llysoedd a Thribiwnlysoedd EM� gyda’ch ffurflenni.

Gostyngiad neu esemptiad o’r ffi

Efallai na fydd yn rhaid i chi dalu’r ffioedd os ydych yn cael budd-daliadau neu os ydych ar incwm isel.

Lawrlwythwch y ffurflen i gadarnhau eich bod yn gymwys ac i wneud cais.

Beth fydd yn digwydd nesaf

Ar ôl i chi anfon y ffurflenni ac unrhyw ffioedd, bydd OPG neu’r Llys Gwarchod yn cysylltu â chi. Byddant yn dweud wrthych os:

• byddant yn atal y cofrestriad
• bydd gwrandawiad yn cael ei gynnal i drafod eich gwrthwynebiad

Gallwch wrthwynebu cofrestru atwrneiaeth barhaus (EPA).

Mae 2 ffordd i wrthwynebu - mae’r un a ddefnyddiwch yn dibynnu ar p’un a ydych wedi cael llythyr swyddogol yn dweud bod rhywun eisiau cofrestru’r EPA.

Gwrthwynebu os ydych wedi cael llythyr swyddogol

Bydd y rhoddwr a rhai o’u perthnasau yn cael llythyr yn dweud wrthynt bod atwrnai’n bwriadu cofrestru EPA.

Os ydych chi yn un o’r bobl hyn, gallwch wrthwynebu’r cofrestriad os ydych yn credu:

• nad yw’r EPA yn gywir yn gyfreithiol, e.e. nid oedd wedi’i lofnodi’n gywir ac nid oedd tyst yn bresennol
• nid oedd gan y rhoddwr alluedd meddyliol pan wnaed yr EPA
• diddymodd y rhoddwr eu EPA pan oedd ganddynt alluedd meddyliol
• roedd twyll wedi digwydd, e.e. cafodd llofnod y rhoddwr ar yr EPA ei ffugio
• roedd pwysau ar y rhoddwr i wneud EPA
• mae gan y rhoddwr alluedd meddyliol o hyd felly ni ddylai’r EPA gael ei chofrestru
• mae atwrnai’n gweithredu uwchlaw ei awdurdod neu yn erbyn buddiannau gorau’r rhoddwr

Llenwch ac anfonwch y:

• ffurflen wrthwynebu (EP3PG) i Swyddfa’r Gwarcheidwad Cyhoeddus (OPG) - mae’r cyfeiriad ar y ffurflen
• ffurflen wrthwynebu (COP8) i’r Llys Gwarchod

Gwrthwynebu os na gawsoch lythyr swyddogol

Gallwch wrthwynebu os nad ydych yn credu y dylid cofrestru’r EPA.

Llenwch ac anfonwch ffurflen gais (COP1) i’r Llys Gwarchod. Mae’r cyfeiriad ar y ffurflen.

Anfonwch siec o £421 yn daladwy i’r ‘Llys Gwarchod�.

Rhaid i chi hefyd ysgrifennu at yr OPG i ddweud wrthynt pam eich bod yn gwrthwynebu’r cofrestriad.

Gostyngiad neu esemptiad o’r ffi

Efallai na fydd yn rhaid i chi dalu’r ffioedd os ydych yn cael budd-daliadau neu os ydych ar incwm isel.

Gwnewch gais am ostyngiad neu esemptiad Os ydych yn gymwys.

Beth fydd yn digwydd nesaf

Bydd OPG neu’r Llys Gwarchod yn cysylltu â chi o fewn 5 diwrnod iddynt dderbyn eich gwrthwynebiad. Byddant yn rhoi gwybod pa gamau y bydd angen i chi eu cymryd nesaf.