188ÌåÓý

Pam y gallai cael y sgwrs yma fod yn syniad da

Defnyddiwch y canllaw yma i’ch helpu i gynllunio sgwrs cynhaliaeth plant gyda rhiant arall eich plentyn. Gallech ofyn i’r rhiant arall weithio drwy’r canllaw ar wahân fel bod gan y ddau ohonoch gynllun pan fyddwch yn dechrau siarad.

Os gallwch weithio gyda’ch gilydd i gytuno ar drefniant cynhaliaeth plant sy’n gweithio i’r ddau ohonoch, gallai gael effaith gadarnhaol ar eich plant.

Nid yw’n costio unrhyw beth i sefydlu trefniant eich hun, nid oes angen i unrhyw un arall gymryd rhan ac efallai y byddwch yn gallu newid eich trefniant os bydd amgylchiadau’n newid i’r naill un ohonoch.

Cyfrifo taliadau cynhaliaeth plant

Os ydych angen help i gyfrifo’r swm o gynhaliaeth i’w dalu, gallwch ddefnyddio’r cyfrifydd cynhaliaeth plant.

Gallech gytuno ar daliad rheolaidd neu gynnwys taliadau ‘mewn nwyddau�. Rhain yw taliadau am eitemau fel gwisgoedd ysgol, gweithgareddau cymdeithasol neu siopa am fwyd.

Y peth pwysig yw bod y ddau ohonoch yn cytuno i drefniant sydd yn gweithio fel ei fod yn rhoi cymorth dibynadwy tuag at gostau pob dydd o fagu eich plant.

1. Am beth ydych eisiau siarad?

Ysgrifennwch restr o bopeth rydych eisiau siarad amdano o ran trefniadau ar gyfer eich plant.

Penderfynwch pa eitemau sydd fwyaf pwysig i’w trefnu

Yna meddyliwch am ba bethau rydych yn barod i gyfaddawdu arnynt.

Siaradwch drwy eich cynlluniau gyda ffrind neu aelod o’r teulu i’ch helpu i feddwl am unrhyw gwestiynau eraill.

2. Sut, lle a phryd ydych am siarad?

Meddyliwch am rywle i gyfarfod lle y bydd y ddau ohonoch yn teimlo y gallwch siarad gyda’ch gilydd.

Mae’n well gan rai pobl siarad yn rhywle preifat, fel eu cartref. Os ydych yn teimlo’n anghyfforddus yn mynd i gartref eich gilydd, yn lle hynny gallech ofyn i ffrind neu berthynas adael i chi ddefnyddio eu cartref.

Mae’n well gan rai pobl gyfarfod mewn rhywle mwy cyhoeddus, fel caffi neu barc.

Meddyliwch am ddulliau eraill o gyfathrebu os na fydd cyfarfod yn bersonol yn gweithio - er enghraifft, neges testun, e-bost neu dros y ffôn - a chytunwch ar amser i gyfathrebu.

Ceisiwch ddod o hyd i amser addas pan fydd y ddau ohonoch yn gallu siarad yn agored, heb y plant fod o gwmpas.

Gadewch ddigon o amser i chi’ch hun fel nad ydych o dan bwysau. Er enghraifft, peidiwch â threfnu i siarad os oes yn rhaid i chi fod yn y gwaith ymhen yr awr, neu pan fyddwch angen nôl neu ddanfon y plant.

3. Hoffech i unrhyw un arall fod yna?

Os credwch y byddai’n ddefnyddiol, gallech ofyn i ffrind neu berthynas fod yna yn ystod eich sgwrs. Mae rhai pobl yn gweld hyn yn ddefnyddiol, os yw’n berson y mae’r ddau riant yn ymddiried a’u bod yn gallu aros yn ddigynnwrf a niwtral.

Gallech hefyd ofyn i gyfryngwr teuluol proffesiynol eich helpu. Darllenwch .

Os ydych am i rywun arall fod gyda chi, gwnewch yn siŵr eich bod yn dweud wrth y rhiant arall fel eu bod yn gwybod beth i’w ddisgwyl.

4. Sut hoffech egluro eich syniadau?

Gallech ysgrifennu eich meddyliau i lawr neu siarad amdanynt.

Efallai y byddwch yn darganfod y gallwch gytuno’n hawdd gyda rhai pethau. Dechreuwch gyda’r rhain, i gael rhywfaint o dir cyffredin, hyd yn oed os nad eich prif flaenoriaeth ydynt.

Byddwch yn gwrtais a thrin y rhiant arall fel y byddech am gael eich trin.

Gwrandewch ar beth mae’r rhiant arall yn ei ddweud. Ceisiwch beidio â defnyddio ymadroddion sy’n swnio fel cyhuddiadau, fel � nid wyt byth yn…� neu ‘ti’n wastad yn…�. Gallai defnyddio’r geiriau hyn wneud y sgwrs yn llawer mwy caled.