188ÌåÓý

Ein amcanion

Mae Richard Heaton, Ysgrifennydd Parhaol i’r Weinyddiaeth Gyfiawnder, a Hyrwyddwr Hil y Gwasanaeth Sifil, wedi pennu’r amcanion a ganlyn i’r Weinyddiaeth Gyfiawnder.

Cynyddu amrywiaeth

Cynyddu cynrychiolaeth y staff o wahanol gefndiroedd a nodweddion gwarchodedig yn y Gwasanaeth Sifil Uwch a sicrhau ein bod yn meithrin cronfa amrywiol o staff dawnus fydd yn gallu cynnal a chryfhau hyn dros y tymor hir.

Gwella cynhwysiad

Adeiladu ethos a diwylliant sy’n gwerthfawrogi gwahaniaeth ac sy’n gyrru amrywiaeth well drwy’r sefydliad cyfan i gynyddu cynrychiolaeth, perfformiad ac effeithiolrwydd sefydliadol.

Mewnblannu amrywiaeth a chynhwysiad ym mhopeth a wnawn

Datblygu ein harweinwyr a chryfhau’r llywodraethu er mwyn adeiladu amrywiaeth a chynhwysiad ymhob maes o’r busnes a gyrru ein perfformiad dros y tymor hir.

Yr hyn yr ydym a wnawn

Rydym yn amddiffyn pob gweithiwr cyflogedig ac aelod o’r cyhoedd sy’n defnyddio ein gwasanaethau rhag gwahaniaethu yn y gweithle fel y mae wedi’i ddisgrifio yn.

Rydym yn creu diwylliant cynhwysol lle mae’r holl staff a’n defnyddwyr gwasanaeth yn cael eu trin gyda pharch tuag at bwy ydynt a’r hyn a wnânt beth bynnag fo eu:

• hoedran
• anabledd
• hunaniaeth o ran rhywedd neu ailbennu rhywedd
• hil
• crefydd neu gred
• rhyw
• cyfeiriadedd rhywiol
• priodas a phartneriaeth sifil
• beichiogrwydd a mamolaeth, neu
• unrhyw nodwedd amherthnasol arall.

Cynyddu amrywiaeth ar bob lefel

Mae gennym nifer o raglenni datblygu i staff sy’n bobl dduon ac Asiaidd a lleiafrifoedd ethnig, sy’n anabl, sy’n LGBT a staff benywaidd i ymdrin ag achosion o ddiffyg cynrychiolaeth ddigonol ar lefelau uwch, yn cynnwys:

• Project Race i wella cydraddoldeb o ran hil ac ymdrin â chanlyniadau anghyfartal i staff sy’n bobl dduon ac Asiaidd a lleiafrifoedd ethnig
• Llwybr Gweithredu Positif i adeiladu sgiliau a hyder, ac i gyflawni potensial gweithwyr cyflogedig sydd heb eu cynrychioli’n ddigonolâ€�
• Coaching Squared i ddarparu anogaeth rhwng cymheiriaid i gyflogeion sy’n bobl dduon ac Asiaidd a lleiafrifoedd ethnig, LGBT, pobl anabl a merched

Gwella cynhwysiad a gwerthfawrogi gwahaniaeth

Rydym yn cynnig cyngor i weithwyr cyflogedig ac i arweinwyr uwch drwy rwydweithiau staff amrywiaeth ynglŷn â hil, anabledd, rhywedd, LGBT, Cristnogol, Mwslimaidd, gofalwyr, pobl sy’n rhannu swyddi a rhieni newydd ac sy’n disgwyl babi. Mae ein rhwydweithiau’n annog modelau rôl positif a chynghreiriaid ar bob lefel.

Rydym yn cyfranogi’n frwdfrydig mewn rhwydweithiau ar draws y Gwasanaeth Sifil yn cynnwys rhwydweithiau Cristnogion, anabledd, Mwslemiaid, hil a gofalwyr. Rydym hefyd wedi creu cymuned cynghreiriau ac LGBTQ* drawslywodraethol ar gyfer elfennau digidol a thechnoleg.

Ar hyn o bryd rydym yn gweithio i:

• gefnogi amlygrwydd LGBT drwy ddigwyddiadau ac ymgynghoriadau

Rydym yn gweithio mewn partneriaeth gyda a chonsortiwm LGBT y sector cyhoeddus ehangach. Rydym hefyd yn rhannol gyllido a:gender, sef rhwydwaith cefnogol i staff yn y llywodraeth sydd wedi newid neu sydd angen newid eu rhywedd ymddangosiadol yn barhaol, sydd fel arall yn eu hadnabod eu hunain fel rhywun Trawsryweddol neu ryngrywiol.

� annog gweithio hyblyg

Rydym yn cynnig trefniadau rhannu swydd, gweithio rhan-amser a phatrymau gweithio eraill ynghyd â’r cynllun Rhannu Swyddi Trawslywodraethol a’r Rhwydwaith Gweithio Amgen.

• ymdrin â gwahaniaethu rhwng y rhywiau

Rydym yn helpu menywod yn ôl i yrfaoedd mewn technoleg drwy fentora a chynnal yr ysgol godio Mums in Technology.

• cynyddu symudedd cymdeithasol

Ffocws allweddol ein strategaeth symudedd cymdeithasol yw gweithgaredd allgymorth. Wrth graidd hyn mae Rhaglen Ysgolion y Weinyddiaeth Gyfiawnder, sy’n annog gwirfoddolwyr i weithio gyda disgyblion o gefndiroedd difreintiedig i gynyddu ymwybyddiaeth, magu hyder a gwella’r canlyniadau posibl i bobl ifanc wrth iddynt symud o’r ysgol i gyflogaeth.

Adeiladu amrywiaeth a chynhwysiad ymhopeth a wnawn

Rydym wedi gwneud pawb yn gyfrifol am ddarparu amrywiaeth a chydraddoldeb. Mae gennym hyfforddiant a pholisïau ar waith i sicrhau bod ein gwasanaethau’n gynhwysol o ran oedran, anabledd, rhyw, hunaniaeth neu fynegiant rhyw, hil, crefydd neu gred, cyfeiriadedd rhywiol, priodas a phartneriaeth sifil, statws beichiogrwydd a mamolaeth, cefndir cymdeithasol neu unrhyw nodwedd neu briodoledd arall.

Mae gan y Bwrdd Gweithredol Gyfarwyddwr Cyffredinol sy’n hyrwyddo amrywiaeth ac mae pob aelod o’r bwrdd yn arwain ar nodwedd amrywiaeth, gyda chefnogaeth tîm o Weision Sifil Uwch sy’n hyrwyddwyr amrywiaeth ar draws y sefydliad.

Anogir pawb yn y Weinyddiaeth Gyfiawnder i ddeall ac ymdrin ag anghenion amrywiol y cymunedau a wasanaethwn. Rydym yn helpu pobl i ddarparu rolau’n deg ac yn gynhwysol, ac yn unol gyda chyfraith cydraddoldeb, drwy gynnig dysgu a hyfforddiant mewn meysydd sy’n cynnwys:

• ‘rhagfarn anymwybodolâ€�
• hanfodion cydraddoldeb ac amrywiaeth
• ymwybyddiaeth o hil
• ymwybyddiaeth o anabledd
• ymwybyddiaeth o LGBT
• ymwybyddiaeth o iechyd meddwl
• dod yn gyfaill dementia
• ymdrin â bwlio, alfonyddu a gwahaniaethu

Rydym yn darparu cefnogaeth a chymorth cyfrinachol i ymdrin â bwlio, aflonyddu a gwahaniaethu, yn cynnwys cynghorwyr hyfforddedig am aflonyddu a bwlio, cyfle i ddefnyddio Rhaglen Gynorthwyo Gweithwyr Cyflogedig a chanllaw cynhwysfawr i staff.

Cysylltu â ni