188ÌåÓý

Mae gan y Ganolfan Byd Gwaith ystod o wasanaethau recriwtio sy’n gallu eich helpu fel cyflogwr. Gallech gael:

• cyngor ar recriwtio, gan gynnwys cymorth gyda’ch swyddi gwag.
• help i sefydlu treialon gwaith i roi’r cyfle i chi roi cynnig i ddarpar staff
• cyngor ar gynnig profiad gwaith a phrentisiaethau, gan gynnwys defnyddio’r cynllun academi gwaith seliedig ar sector
• cymorth os ydych yn cyflogi rhywun sydd ag anabledd (Mynediad at Waith)
• cyngor ac arweiniad ar cyflogi rhywun sydd ag anabledd neu gyflwr iechyd

Gallwch hefyd hysbysebu swydd gyda’r gwasanaeth ‘Dod o hyd i swydd� (Paru Swyddi Ar-lein yn flaenorol).

Cysylltwch â’r Llinell Gwasanaethau Cyflogwyr i gael cyngor am recriwtio ar gyfer eich busnes.

Bydd yn eich cysylltu ag Ymgynghorydd Cyflogwyr lleol a fydd yn gweithio gyda chi i lenwi swyddi gwag. Gall Ymgynghorwyr Cyflogwyr:

• roi cyngor i’ch helpu i ysgrifennu disgrifiadau swydd
• eich helpu i gyflymu eich proses recriwtio
• hyrwyddo’ch swyddi gwag mewn canolfannau gwaith lleol
• caniatáu i chi ddefnyddio swyddfeydd y Ganolfan Byd Gwaith i gynnal cyfweliadau, lle mae swyddfa ar gael
• eich gwahodd i ddigwyddiadau recriwtio lleol i hyrwyddo eich swyddi gwag
• eich helpu i gysylltu â busnesau eraill yn eich ardal
• gweithio gyda chi i gynllunio eich ymgyrchoedd recriwtio yn y dyfodol
• help i baru’r ymgeisydd cywir â’ch swyddi gwag, gan gynnwys sifftio ceisiadau a chyfweld ymgeiswyr ar eich rhan

Cysylltwch â’r Llinell Gwasanaethau Cyflogwyr

Gallwch gysylltu â’r Llinell Gwasanaethau Cyflogwyr gan ddefnyddio’r neu dros y ffôn.

Os byddwch yn e-bostio Llinell Gwasanaethau Cyflogwyr, dylech gynnwys:

• eich manylion cyswllt
• enw eich busnes
• y dref a’r cod post y mae eich busnes wedi’i leoli ynddi
• y dref a’r cod post lle rydych yn recriwtio (os yw’n wahanol i leoliad eich busnes)
• disgrifiad byr o’r cyngor recriwtio sydd ei angen arnoch

Mae treial gwaith yn gyfnod byr mewn gwaith y gallwch ei gynnig i geisiwr gwaith ar fudd-daliadau. Mae’n ffordd i’r ddau ohonoch weld a yw’r swydd yn ffit dda.

Mae’n digwydd ar ôl i chi eu cyfweld am rôl benodol. Os nad ydynt yn addas ar ei gyfer, nid oes angen i chi ei gynnig iddynt.

Mae ceiswyr gwaith yn gwirfoddoli ar gyfer treial gwaith. Mae nhw’n dal i gael eu budd-daliadau tra mae nhw arno ac nid ydynt yn cael cyflog.

Cymhwysedd

Mae’n rhaid i’r treial gwaith:

• dim ond cael ei ddefnyddio fel ffordd i chi a’r darpar weithiwr benderfynu a ydyn nhw’n iawn ar gyfer y rôl
• bod am swydd lle mai’r ceisiwr gwaith yw’r unig berson rydych yn ystyried ei gyflogi
• bod am swydd sydd o leiaf 16 awr yr wythnos am o leiaf 13 wythnos

Mae angen i chi gytuno ar hyd y treial gwaith gyda’r ceisiwr gwaith cyn iddo ddechrau. Mae’n rhaid iddo:

• gorffen pan fyddwch yn siŵr a yw’r ceisiwr gwaith yn addas ar gyfer y rôl
• yn para dim mwy na 5 diwrnod os yw’r swydd am lai na 6 mis
• yn para dim mwy na 30 diwrnod (ac oddeutu 5 diwrnod fel arfer) ar gyfer swyddi sy’n para 6 mis neu fwy

Bydd y Ganolfan Byd Gwaith yn gwirio bod y gweithiwr wedi gwirfoddoli ar gyfer y treial a’i fod yn cwrdd â’r meini prawf cymhwysedd.

Sut i gynnal treial gwaith

Mae angen i chi gytuno ar dreial gwaith gyda’r Ganolfan Byd Gwaith cyn i chi ei gynnig i geisiwr gwaith.

Cysylltwch â’r Llinell Gwasanaethau Cyflogwyr am fwy o wybodaeth.

Profiad gwaith

Mae profiad gwaith ar gael i:

• pob person 18 i 24 oed
• pobl 25 oed a throsodd sydd heb hanes gwaith diweddar

Os ydych yn cynnig profiad gwaith i berson ifanc byddwch yn helpu i roi gwell cyfle iddynt ddod o hyd i waith.

Darllenwch y canllaw ar brofiad gwaith i gyflogwyr i ddargafnod yr hyn a ddisgwylir gennych.

Cysylltwch â’r Llinell Gwasanaethau Cyflogwyr os ydych angen help i sefydlu profiad gwaith.

Prentisiaethau

Trefnir y rhain drwy’r gwasanaeth Prentisiaethau ac yn aml maent yn dilyn cyfnod o brofiad gwaith. Maent yn cyfuno hyfforddiant ymarferol gydag astudiaeth.

Os ydych yn cymryd prentis ymlaen, gallwch gael arian i’w hyfforddi. Efallai y byddwch hefyd yn gallu cael grant prentisiaeth os ydych yn rhedeg busnes bychan neu ganolig.

Cynllun academi gwaith seiliedig ar sector

Mae cynllun academi gwaith seiliedig ar sector yn gynllun diweithdra Canolfan Byd Gwaith. Gall eich helpu i lenwi swyddi gwag yn fwy effeithlon gan ddarparu hyfforddiant, profiad gwaith a chyfweliad swydd wedi’i warantu