188ÌåÓý

Gallwch gael Credyd Gofalwr os ydych yn gofalu am rywun am o leiaf 20 awr yr wythnos.

Mae Credyd Gofalwr yn gredyd Yswiriant Gwladol sy’n helpu i lenwi’r gwagleoedd yn eich cofnod Yswiriant Gwladol. Mae eich Pensiwn y Wladwriaeth yn seiliedig ar eich cofnod Yswiriant Gwladol

Os ydych yn gymwys am Gredyd Gofalwr, gallwch gael credydau i helpu llenwi gwagleoedd yn eich cofnod Yswiriant Gwladol.

Mae hwn yn golygu y gallwch gymryd gyfrifoldebau gofalu heb iddo effeithio ar eich gallu i fod yn gymwys am Bensiwn y Wladwriaeth.

I gael Credyd Gofalwr mae’n rhaid i chi:

• bod dros 16 oed
• bod o dan oedran Pensiwn y Wladwriaeth
• bod yn gofalu am un neu fwy o bobl am o leiaf 20 awr yr wythnos

Rhaid i’r person rydych yn gofalu amdanynt gael un o’r ganlynol:

• Lwfans Byw i’r Anabl ar y gyfradd ganol neu uchaf o’r elfen gofal
• Lwfans Byw i’r Anabl i Oedolion yr Alban ar y gyfradd ganol neu uchaf o’r elfen gofal
• Lwfans Gweini
• Lwfans Gweini Cyson
• elfen bywyd bob dydd Taliad Annibyniaeth Personol
• Taliad Annibyniaeth y Lluoedd Arfog
• elfen ofal Taliad Anabledd Plant ar y gyfradd ganol neu uwch
• elfen bywyd bob dydd Taliad Anabledd Oedolion ar y gyfradd ganol neu uwch
• Taliad Anabledd Oedran Pensiwn

Os nad yw’r person rydych yn gofalu amdano yn cael un o’r budd-daliadau hyn, efallai y byddwch yn dal yn gallu cael Credyd Gofalwr. Pan fyddwch yn gwneud cais, llenwch y rhan ‘Tystysgrif Gofal� ar y ffurflen gais a gofynnwch i weithiwr iechyd neu ofal cymdeithasol proffesiynol i’w lofnodi.

Seibiannau o ofalu a chymhwysedd

Gallwch gael Credyd Gofalwr o hyd os ydych yn cymryd seibiant o ofalu (hyd at 12 wythnos olynol).

Er enghraifft, gallwch gael Credyd Gofalwr o hyd am 12 wythnos os:

• rydych yn cymryd gwyliau byr
• yw rhywun rydych yn gofalu amdano yn yr ysbyty
• rydych chi yn yr ysbyty

Rhowch wybod i’r Uned Lwfans Gofalwr os ydych yn cael seibiant o ofalu am dros 12 wythnos yn olynol.

Cyn i chi ddechrau

Nid oes rhaid i chi wneud cais am Gredyd Gofalwr os ydych:

• yn cael Lwfans Gofalwr â€� byddwch yn cael y credydau’n awtomatig
• yn cael Budd-dal Plant am blentyn sydd o dan 12 oed â€� byddwch yn cael y credydau’n awtomatig
• yn ofalwr maeth â€� gallwch wneud cais am gredydau Yswiriant Gwladol yn lle

Gwneud cais gan ddefnyddio ffurflen

Lawrlwythwch y ffurflen gais Credyd Gofalwr.

Mae’r ffurflen yn cynnwys Tystysgrif Gofal � gofynnwch i weithiwr iechyd neu ofal cymdeithasol proffesiynol ei lofnodi i chi.

Gallwch hefyd gael y ffurflen trwy ffonio’r Uned Lwfans Gofalwr.

Fformatau amgen

Ffoniwch yr Uned Lwfans Gofalwr a gofynnwch am fformatau amgen, fel braille, print bras, neu CD sain.

Ble i anfon eich ffurflen

Peidiwch ag ysgrifennu unrhyw beth ar yr amlen heblaw am y cyfeiriad freepost. Nid oes angen cod post neu stamp arnoch.

Os ydych yn anghytuno gyda phenderfyniad

Gallwch herio penderfyniad am eich cais. Gelwir hwn yn gofyn am ailystyriaeth orfodol.