188ÌåÓý

Os gwnaethoch godi llai o TAW ar eich cwsmeriaid nag oeddech wedi talu ar eich pryniannau, bydd Cyllid a Thollau EF (CThEF) fel arfer yn ad-dalu’r gwahaniaeth i chi.

Pan fyddwch yn llenwi’r bylchau ar eich Ffurflen TAW, bydd yr wybodaeth a nodwyd gennych yn dangos y canlynol:

• cyfanswm y TAW a godwyd â€� Blwch 3
• cyfanswm y TAW a dalwyd â€� Blwch 4

Os yw’r ffigur ym Mlwch 3 yn llai na’r ffigur ym Mlwch 4, mae ad-daliad yn ddyledus i chi.

Dangosir y swm a fydd yn cael ei ad-dalu i chi ym Mlwch 5 ar eich Ffurflen TAW.

Faint o amser y mae’n ei gymryd

Fel arfer, caiff ad-daliadau eu gwneud cyn pen 30 diwrnod ar ôl i CThEF gael eich Ffurflen TAW. Cysylltwch â CThEF os nad ydych wedi cael gwybod unrhyw beth ar ôl 30 diwrnod.

Bydd eich ad-daliad yn mynd yn syth i’ch cyfrif banc os oes gan CThEF eich manylion banc. Fel arall, bydd CThEF yn anfon siec atoch (a elwir hefyd yn ‘archeb talu�). Gallwch newid y manylion y mae CThEF yn eu defnyddio i wneud eich ad-daliad.

Olrhain ad-daliad TAW

Gallwch .

Os dechreuodd eich cyfnod cyfrifyddu ar neu cyn 31 Rhagfyr 2022

Gallech gael iawndal (a elwir hefyd yn ‘atodiad ad-daliad�) os yw CThEF yn cymryd mwy na 30 diwrnod i gymeradwyo’ch ad-daliad.

Mae’r cyfnod o 30 diwrnod yn dechrau o’r diwrnod y mae CThEF yn cael eich Ffurflen TAW ac yn dod i ben ar y diwrnod y maent yn cymeradwyo’ch ad-daliad, nid ar y diwrnod y byddwch yn ei gael.  

Nid yw CThEF yn cyfrif y dyddiau a gymerwyd i wirio bod eich Ffurflen TAW yn gywir ac yn gyfreithlon, nac yn cyfrif y dyddiau a gymerwyd i gywiro unrhyw wallau neu hepgoriadau, fel rhan o’r cyfnod 30 diwrnod hwn.

Mae’r atodiad ad-dalu yn £50 neu 5% o’ch ad-daliad � pa un bynnag yw’r swm uchaf.

Os daw eich Ffurflen TAW i law cyn diwedd y cyfnod cyfrifyddu y mae ar ei gyfer, bydd y 30 diwrnod yn dechrau ar ddiwedd y cyfnod.

Ni chewch atodiad ad-dalu os yw’r canlynol, er enghraifft, yn berthnasol:

• mae CThEF yn cael eich Ffurflen TAW ar ôl y dyddiad cau ar gyfer eich taliad
• gwnaethoch wallau ar eich Ffurflen TAW sy’n gostwng eich cais mwy na 5% neu £250 (pa un bynnag yw’r swm uchaf)
• mae gennych Ffurflenni TAW cynharach ar goll ar yr adeg y bydd eich Ffurflen TAW bresennol yn dod i law CThEF

Os dechreuodd eich cyfnod cyfrifyddu ar neu ar ôl 1 Ionawr 2023

Os bydd CThEF yn hwyr yn eich talu, mae’n bosibl y bydd gennych hawl i log ar ad-daliadau ar unrhyw TAW sy’n ddyledus i chi gan CThEF.

Telir llog ar ad-daliadau ar gyfradd sylfaen Banc Lloegr minws 1%, gyda chyfradd isaf o 0.5%.

Ad-daliadau i gyfrif banc tramor

Gallwch ond cael ad-daliadau TAW i gyfrif banc tramor os nad oes gan eich cwmni y canlynol:

• cyfrif banc yn y DU (ac ni allwch gael un)

• cyfeiriad yn y DU

Er mwyn i CThEF wneud taliad i’ch cyfrif banc tramor, mae’n rhaid i’r canlynol fod yn wir:

• mae’r cyfrif yn enw’r cwmni y mae’r ad-daliad yn ddyledus iddo

• mae’ch cyfrif yn gysylltiedig â pherchennog busnes sydd wedi’i enwi neu berson awdurdodedig sydd â manylion ar gyfer gwasanaethau CThEF

• mae’r cyfrif yn gallu derbyn ad-daliad mewn punnoedd sterling

Mae’n rhaid i chi cyn y gall CThEF drosglwyddo unrhyw ad-daliadau TAW. Yna, bydd pob ad-daliad TAW yn cael ei anfon i’r cyfrif banc hwn.

Gallwch hefyd ddefnyddio’r ffurflen hon i ddiweddaru’ch manylion banc ac i drosglwyddo unrhyw sieciau, sydd heb eu cyflwyno, fel taliadau electronig i’w talu’n uniongyrchol i’ch cyfrif banc.

Os oes angen siec newydd arnoch, neu os hoffech gael eich talu drwy ddull arall

Gallwch ysgrifennu at Wasanaeth Cwsmeriaid Cymraeg CThEF a gofyn iddynt wneud y canlynol:

• anfon siec newydd atoch os yw’ch un chi ar goll neu’n rhy hen i fod yn ddilys

• anfon yr ad-daliad i’r cyfrif banc sydd wedi’i gadw ar eich cyfrif treth busnes

• anfon yr ad-daliad i rywle arall gan nad ydych wedi cofrestru ar gyfer TAW bellach

• defnyddio’r ad-daliad i dalu treth arall

Os nad ydych yn mynd i ddefnyddio’ch sieciau, neu os maent yn rhy hen i fod yn ddilys, mae’n rhaid i chi eu hanfon yn ôl atom.